"വിളക്കത്ത്" ഗ്രാൻഡ് ബുഖാരി സബ്ഖ് സംഘടിപ്പിച്ചു.

സമസ്ത കേന്ദ്ര മുശാവറ അംഗം ഡോ.സി കെ അബ്ദുറഹ്മാൻ ഫൈസി അരിപ്ര നേതൃത്വം നൽകുന്ന സുഫ്ഫ ദർസുകളിലെ വിദ്യാർത്ഥി കൂട്ടായ്മ (സുഹ്ബ) 'വിളക്കത്ത്' ഗ്രാൻഡ് ബുഖാരി സബ്ഖ് സംഘടിപ്പിച്ചു. പൊന്നാനി വലിയ ജുമുഅത്ത് പള്ളിയിൽ നടന്ന സംഗമത്തിൽ 38സുഫ്ഫ ദർസുകളിൽ നിന്ന് ഈ വർഷം ഉപരിപഠനത്തിന് പോകുന്ന വിദ്യാർത്ഥികൾ പങ്കെടുത്തു.സി. കെ അബ്ദുറഹ്മാൻ ഫൈസി അരിപ്ര ബുഖാരി സബ്ഖിന് നേതൃത്വം നൽകി. പരിപാടിയിൽ എ.എ മരക്കാർ, അബ്ദുറഷീദ് ഫൈസി, സുഫ്ഫ പ്രതിനിധികളായ ജഅഫർ ഫൈസി പഴമള്ളൂർ, യൂസുഫ് ഫൈസി എടക്കഴിയൂർ, ശരീഫ് ഫൈസി കുളത്തൂർ, ഖാദർ ഫൈസി പട്ടിക്കാട്, സുഹ്ബ ഭാരവാഹികളായ സയ്യിദ് അലി ഉനൈസ് ജമലുല്ലൈലി, ഹാഫിള് മുഹ്സിൻ, ഹാഫിള് ഫുളൈൽ, ഹാഫിള് ഷിബിനിയാസ്, ഹാഫിള് സിനാൻ വെട്ടം സംബന്ധിച്ചു.